Search This Blog

Friday 1 August 2014

అలివిగాని సమయంలో తెలివిగా...

సమయం ఎప్పుడూ ఒకే రకంగా వుండదు. కొన్ని సందర్భల్లో అన్నీ చేతుల్లోనే వున్నట్లు వుంటాయి.మరికొన్ని సందర్భాల్లో ఏమీ చేయలేమనే స్థితికి పరిస్థితులు వెళ్తాయి. ఎంతో కష్టపడి చదువు ముగించుకున్నాక ఉద్యోగం విషయం తీసుకుంటే తోటి వారికి ఇట్టే దొరుకుతుంది.. ఎంత కష్టపడినా మనకు మాత్రం దొరకదు. అలా అని లోపం వుందా అంటే అదేమీ కనిపించదు. ఎందుకు మనకే ఇలా జరుగుతుంది అన్న ప్రశ్న కూడా మెదడులో మెదులుతుంది. కానీ ఆలోచిస్తే అటువంటి సమయంలోనూ ఓ మంచి ఆలోచన తడుతుంది.

happyకొన్ని సమస్యలు పెద్దగా ఇబ్బంది పడకుండానే విడిపోతాయి.మరికొన్ని జీవితాలను చిందర వందర చేసి వదిలిపెడతాయి. దీనికి కారణం సమస్యకు పరిష్కారం లేకపో వడం కాదు దాన్ని తెలుసుకోలేకపోవడం.దీన్ని అర్థం చేసుకోవాలంటే ముందుగా వాటి మూలాలను అర్థం చేసుకోవాలి.సమస్యల్లో వున్నప్పుడు ఎవరికి వారు ఆ సమయాన్ని కూడా పరిగణలోకి తీసుకోవాలి. ఏమీ చేయలేనపుడు సానుకూల ఆలోచనలను మనసులో నింపుకోవాలి. ఏ సమస్య అయినా ఎక్కువ కాలం వుండదు అనే తలంపుతో ముందడుగు వేయాలి. ఎక్కువ కాలం అది సాగుతూనే వుంది అంటే అది జీవితం పట్ల నిర్లక్ష్యం చూపిం చడం అవుతుంది. ఓవైపు కాలం గడుస్తూనే వుంటుంది. మరో వైపు దాని పరిష్కార మార్గం కూడా బోధపడుతుందని తెలుసుకోవాలి. 

కష్ట సమయాలే తీర్చిదిద్దుతాయి...
అన్నీ చేయగల సత్తా ప్రతి ఒక్కరిలో వుంటుంది. కానీ దాన్ని గుర్తించడంలో తేడాలు వుం టాయి. కొందరు అన్నీ చేయగలం అన్న ధీమాతో ముందుకెళ్తే.. చేయగలనా లేదా అని కొందరు అలా కాకుండా అన్నిటికీ సానుకూల ఆలోచనలు అలవాటు చేసుకుంటే విజ యం కూడా చాలా సులువుగా కనిపిస్తుంది. కష్టకాలం ఇట్టే కరిగిపోతుంది. అన్నిటికన్నా ముఖ్యంగా లోపల దాగున్న కష్టపడేగుణం, ఓర్పును వెలికి తీయాలి.ప్రత్యేకతలను గుర్తిం చి వాటికి పదును పెట్టాలి. చదువు వల్ల ఉద్యోగం రాకపోతే ఏమి ఇతర అంశాలను వుప యోగించి కూడా సాధించుకోవచ్చు అనే విషయం అర్థం చేసుకోవాలి.

ఒళ్లు చెడేలా వద్దు.. 
ఎవరో పిలిచి ఉద్యోగం ఇస్తారు అని తిని కూర్చుంటే ఆరోగ్యం పాడవడటం తప్ప ఇంకేమీ జరగదు.అందుకే ఎవరో వస్తారని ఏదో చేస్తారని ఎదురు చూడకుండా ప్రయత్నాలను పెం చుకుంటూ పోవాలి.ఎంత ఎక్కువగా ప్రయత్నిస్తే అంతగా సాధించాలనే పట్టుదల వస్తుంది. సమయం కూడా అనుకూలిస్తుంది.

పంచుకుంటే మేలు...
సగం సమస్యలు బయటికి చెప్పుకోకుండా మెదడులోనే నిల్వ చేసుకోవడం వల్ల కొనసా గుతూ వుంటాయి.వాటికి పరిష్కార మార్గం దొరికే వరకు బాధపెడతాయి. దీని నుండి విముక్తి పొందాలంటే వీటిని ఎప్పటి కప్పుడు స్నేహితులతో పంచుకోవడం నేర్చుకోవాలి. దీని వల్ల ఒత్తిడి నుండి ఉపశమనం మాత్రమే కాదు స్నేహం కూడా బలపడుతుంది. ఆనందం కలుగుతుంది. 

సమయం ఆగదు..
ఎప్పుడూ మనసులో ఓ విషయాన్ని గుర్తు చేసుకుంటూ వుండాలి. ‘ఎంతటి కష్టాలు పడే సమయం అయినా ఎల్లకాలం వుండదు. సమయం ఎవరి కోసం ఆగదు. ప్రళయం వచ్చి నా ఆగదు. కాబట్టి సమస్యలు కూడా కదిలి పోతాయి’ అని అనుకుంటే జీవితంలో ఇతర విషయాలనూ నేర్చుకోవడానికి మనసు సహకరిస్తుంది. వ్యతిరేకంగా సాగే ఆలోచనల నుండి విముక్తి లభిస్తుంది. ‘నేను ఇది చేయలేను’ అని అనుకోవడం కన్నా చేయడానికి ప్రయత్నించి చూడటం అనేది ఎంతో మంచిది. సానుకూల ధోరణి గనుక వుంటే అన్నిటా విజయం సాధించేందుకు అవకాశాలు ఎక్కువగా వుంటాయి.ఏ కష్టమైనా ఏదో ఒక కారణం వల్లే వస్తాయి. వీటి నుండి ఎంతో నేర్చుకోవాలి. అలాగే ప్రతి విషయంలోనూ అన్వయించుకోవాలి.ఏదీ కారణం లేకుండా రాదు అనుకోవాలి. వీటన్నిటినీ అర్థం చేసుకుంటే మంచి దానంతట అదే జరుగుతుంది.
                                                                                                                                   -హైమ సింగతల
                                                                                                                                                                 (surya telugu daily March10, 2011)

No comments:

Post a Comment