బెన్‌టెన్‌, డ్రాగన్‌ల్యాండ్‌, పవర్‌పాప్‌ గర్ల్స్‌, కార్టూన్‌లను చూసి ఆనందిస్తూనే తన తండ్రి సాయంతో యానిమేషన్‌ ప్రపంచంలోకి అడుగు పెట్టింది సింధుజ. అతి తక్కువ సమయంలో యానిమేషన్‌ చిత్రాన్ని రూపొందించి మహామహులను సైతం ఆశ్చర్యంలో ముంచెత్తింది. పెద్ద పెద్ద కంపెలు ఉన్నత స్థానాల్లోకి రమ్మంటూ ఆహ్వానించినా సున్నితంగా తిరస్కరించింది. పద్నాలుగేళ్ల వయసులో ఓ కంపెనీని స్థాపించి ప్రపంచంలోనే అతి చిన్న వయసు సిఇఓగా గిన్నిస్‌ బుక్‌ ఆఫ్‌ వరల్డ్‌ రికార్డులోకెక్కింది.జాయ్‌అలుకాస్‌ వంటి ప్రముఖ సంస్థల వ్యాపార ప్రకటనల అవకాశాలను అందిపుచ్చుకుంటోంది.
షెప్పాన్‌.కామ్‌ సిఇఓగా యానిమేషన్‌ ప్రపంచంలో చరిత్ర సృష్టించిన 14 ఏళ్ళ చిన్నారి సింధుజ భారతదేశ కీర్తిని ఇనుమడింపజేసింది. ప్రపంచం లోనే అతి చిన్న వయసులో సిఇఓగా మారి గిన్నిస్‌ బుక్‌ ఆఫ్‌ వరల్డ్‌ రికా ర్డులో స్థానం సంపాదించుకుంది. ఆ కంపెనీకి పేరును కూడా ఆమె నిర్ణయించుకుంది. షెప్పాన్‌ అంటే జపనీస్‌ భాషలో వినోదం అని అర్థం. వినోదాన్ని ప్రదానంగా చేసుకుని యానిమేషన్స్‌ రూపొందించే కంపెనీని ఆమె రూపొందించింది. ఆరుగురు సభ్యులు కలిగిన టీమ్‌ను ఏర్పాటు చేసుకుని రోజులో ఎనిమిది గంటల పాటు ఆఫీసును నిర్వహిస్తోంది. మిగిలిన సమయాన్ని తన చదువు కోసం వినియోగించుకుంటోంది.కలల కంపెనీకి సిఇఓ ప్రైవేటు సెక్టర్‌లో పనిచేసే వారి కల ఓ కంపెనీకి సిఇఓ కావడం. దానికి సంబంధించి సరైన విద్యార్హతలు, అనుభవం వుంటేనే సాధ్యం అవు తుంది. అన్నీ వున్నా ఒక్కో సారి అది చేరువవ్వక బాధ పడేవారు అనేక మంది.కానీ సింధుజ పట్టుదల లక్ష్యం వీటన్నిటినీ అధిగమించింది. ఎటువంటి అనుభవం అవసరం లేకుండానే అతి తక్కువ సమయంలో యానిమేషన్‌ చిత్రా లను రూపొందించింది. చదువుతోపాటే లక్ష్య నిర్దేశం.. ప్రస్తుతం సింధుజ సిటీ స్కూల్‌లో తొమ్మిదవ త రగతి చదువుతోంది. కేవలం ఇప్పటికిప్పుడు ఆమె యానిమేటర్‌గా తయారవ్వలేదు. ఐదేళ్ల క్రి తం నుండే ఆమె దీనికి సంబంధించిన శిక్షణ తీసుకుంటోంది.2డి, 3డి యానిమేషన్‌లో నే షనల్‌ అసోసియేషన్‌ ఆఫ్‌ సాఫ్ట్‌వేర్‌ అండ్‌ సర్వీసెస్‌ కంపెనీస్‌ (ఎన్‌ఎఎస్‌ ఎస్‌సిఓఎం) గేమింగ్‌లో కోర్సును చేయడం ప్రారంభించింది. అనంతరం గత ఏడాది హైదరాబా దులో నిర్వహించిన శిక్షణా కార్యక్రమంలోనూ పాల్గొంది. 
అక్కడే ఆమె మూడు నిమిషాల పాటు సాగే యానిమేషన్‌ చిత్రాన్ని కేవలం పది గంటల సమయంలో రూపొందించి రికార్డు సృష్టిం చింది. ఆమె ప్రతిభ ను చూసి ఎన్నో పెద్ద పెద్ద కంపెనీలు సింధుజాను తమ కంపెనీ లో స్థానం కల్పించేందుకు ముందుకొచ్చాయి. కానీ ఇంకా పూర్తిగా నేర్చు కోకుండా ఇలా ఉద్యోగంలో పడొ ద్దనే ఉద్దేశంతో తనకంటూ ఒక కెరియర్‌ ప్లాన్‌ని రూపొందించు కుంది. కెనడా లోని వాన్‌ కోవర్‌ ఫిల్మ్‌ స్కూల్‌లో యానిమే షన్‌ కోర్సును చేసింది.అనంతరం సొం తంగా ఒక కంపెనీని ఏర్పాటు చేయాలనే ఉద్దేశంతో షెప్పాన్‌.కామ్‌ను ఏర్పాటు చేసింది. క్యారికేచర్‌ ఆర్టిస్టు...దీనితోపాటే ప్రపంచంలో అతి చిన్న క్యారి కేచర్‌ ఆర్టిస్టుగా కూడా ఆమెను కోరల్‌ కార్పొరేషన్‌ ఆమెను కొనియాడింది. పట్టుద లతో తనలాంటి వారికి మున్ముందు ఆద ర్శంగా నిలిచేందుకు అడుగు జాడలను సింధుజ ఏర్పాటు చేసింది అని ప్రముఖ యా మిమేటర్లు అంటున్నారు. భవిష్యత్తులో ఆమె మరింత ఉన్నత స్థాయికి వెళ్లాలని ఆ శాభావాన్ని వ్యక్తం చేస్తున్నారు. అండగా నిలిచిన ఎఫ్‌పిటి...
టీనేజర్స్‌ ఎనార్మస్‌ పొటెన్షియల్‌ (ఎఫ్‌పిటి) సింధుజ ఆలోచనకు ఆచర ణాత్మక రూపాన్ని అందించింది.షెప్పాన్‌ ఒక పూర్తి స్థాయి యానిమినే షన్‌ కంపెనీగా రూపొందించేందుకు ఎంతో సాయం అందించింది. ‘ఉద్యోగాల కోసం యువత వేచి చూడకుండా వారే ఉద్యోగాలను కల్పించే వారిగా మారడం ఎంతో ఆనందంగా వుంది. అందులోనూ ఇంత చిన్న వయసులో సింధుజ సొంతంగా కంపెనీని రూపొందిచడం ఎంతో ఆనం దంగా వుంది’ అని ఎఫ్‌పిటి అధికారి కుమార్‌ చెబుతున్నారు. తండ్రి ప్రోత్సాహం...సింధుజా తండ్రి రాజారామన్‌ రామనాథాపురం జిల్లా వాసి. ఆయన ఒక కార్టునిస్టు. సింధుజలోని ప్రతిభను చిన్న తనంలోనే గుర్తించి ఆమె కు సరైన ప్రోత్సాహాన్ని అందించారు. తప్పకుండా ఉన్నతస్థానానికి ఎదు గుతుందనే ఆశతో అన్ని విధాలుగా ఆమెకు మద్దతునిచ్చారు. చిన్నతనం లోనే యానిమేషన్‌ కోర్సులో చేర్పించారు. కొత్త ప్రాజెక్టులు..ఇప్పుడు సింధుజా 2డి ఫిల్మ్‌ను టేకప్‌ చేసింది ‘విర్చువల్‌ టి నగర్‌’ చెనై్నలోని వ్యాపార ప్రాంతంపై చేస్తున్న యానిమేషన్‌ ఫిల్మ్‌ అది. దీనితోపాటు జాయ్‌ అలుకాస్‌కు సంబంధించి 40 సెకండ్లపాటు సాగే వ్యాపార ప్రటనను కూడా సింధుజా రూపొందిస్తోంది.మరికొన్ని కార్పొరేట్‌ కంపెనీలకు కూడా ఆమె ప్రకటనలను రూపొందిస్తోంది.
-హైమ సింగతల, సూర్య దినపత్రిక
