టెక్నాలజీని వుపయోగించుకోవడంలో అందరికన్నా యువతులు ముందు వరుసలో వుంటున్నారు. తల్లిదండ్రులమీద ఆధారపడకుండా తమ తెలివి తేటలతో పదుగురిలో భేష్ అనిపించుకుంటున్నారు. పట్టాలు చేతికొచ్చే సమయానికి అనుభవాన్ని కూడా మూటగట్టుకుని వినూత్న రంగాల్లో అడుగిడి విజయాలు మూటగట్టుకుంటున్నారు. అతి చిన్న వయసులో అందలాలు అందుకుంటున్నారు. చదువుతో పాటు ఇతర వ్యాపకాలకూ జీవం పోస్తున్నారు.
‘దోచెయ్.. దోచెయ్..’ అంటూ పులి సినిమాలో పాట విన్నవారెవరికైనా ఆ పాట పాడింది ఓ పదిహేనేళ్ల అమ్మాయి అంటే నమ్మలేరు. పెద్ద వారిలా గొంతు మార్చి పాట పాడి అందరినీ ఆశ్చర్యంలో ముంచెత్తింది.ఇం త చిన్న వయసులో ఎంత బాగా పాడుతున్నావు, మంచి పేరు తెచ్చుకున్నావు అని చిన్నారి గాయని శృతిని అడిగితే ‘నేను 5వ తరగతిలోనే ఓ పాటల కార్య క్రమం ద్వారా కెరియర్ని ప్రారంభించాను’ అని చెప్పి ప్రశ్న అడిగిన వారికి మరింత ఆశ్చర్యాన్ని కలిగించింది. ఈ అమ్మాయి ప్రస్తుతం ఇంటర్మీడియ ట్ చదువుతోంది.చదువుకుంటూనే అనేక స్టేజి షోలలో పాల్గొంది. ఎస్పి బాలసుబ్రమణ్యంతో పాటు అనేక షోలను చేసింది.. పెద్ద సింగర్గా పేరు తెచ్చుకోవాలని ఆశపడుతోంది.
చిన్నారి కోకిలా రవీనా...
రవీనా మెహతా 12 సంవత్సరాల చిన్నారి. కానీ ఆమెలో ఉన్న టాలెంట్ మా త్రం తన వయస్సుకుంటే చాలా గొప్పది. ఐదు సంవత్సరాల వయస్సులోనే మ్యూజిక్లో తనకున్న టాలెంట్ను నిరూపించుకుంది.సొంతంగా మ్యూజిక్ ఆల్బమ్ను రూపొందించింది. చిన్నతనం నుండే సంగీతం పట్ల మక్కువ పెం చుకున్న ఈ చిన్నారి వయసు పెరుగుతున్న కొద్ది మెలకువలు నేర్చుకోవడం తోపాటు, మ్యూజిక్ పరికారాలను గుర్తించడంలో ప్రావీణ్యం సంపాదించింది. ఐదు సంవత్సరాల వయస్సులోనే తను చదువుతున్న స్కూల్లో ఒక క్రమ పద్ధతిలో సంగీతాన్ని ఆలపించింది కూడా.
కస్టమర్ కేర్ టీమ్ లీడర్...
డిగ్రీ చదువుకుంటూ ఓ ప్రముఖ కస్టమర్ కేర్ సెంటర్లో టీమ్ లీడర్గా వుం టున్న పద్మను చదువుకునే వయసులో ఈ ఉద్యోగాలు ఎందుకు అని అడి గితే.. ‘ఇంటర్ పరీక్షలయిపోయాక ఖాళీగా వుండటం ఎందుకని స్పోకన్ ఇం గ్లీష్ క్లాసుల్లో చేరాను. అక్కడ మా సీనియర్ ఒకరు చెబితే ఇక్కడికి ఇంట ర్య్వూకి వచ్చాను. నా స్కిల్స్ చూసి వారు జాబ్ ఇచ్చేశారు. వచ్చిన అవకాశాన్ని వదులుకోవడం ఎందుకు అని ఇక్కడ జాయిన్ అయ్యాను. నా చదువుకు కావాల్సిన మొత్తాన్ని నా జీతం నుండే తీసుకంటు న్నాను. మా అమ్మా వాళ్లకు కూడా కొంత ఇస్తాను. ఇప్పుడు డిగ్రీ ఫైనల్ ఇయర్ చదువుతున్నాను’ అని ఎంతో గర్వంగా చెబుతోంది.
ఫ్రెంచ్ ఫ్యాకల్టీగా...
భావన... డిగ్రీ ఫస్టియర్ స్టూడెంట్. కుటుంబంలో అందరూ ఉన్నత విద్యావంతులే. తల్లి బ్యాంక్ ఉద్యోగిని. తండ్రి ప్రముఖ కంపెనీలో ఉన్నతో ద్యోగి. తన చదువు కు అయ్యే ఖర్చు మొత్తాన్ని తనే కట్టు కుంటుంది.అవసరాలకు కూడా తల్లిదండ్రుల మీద ఆధారపడదు. ఎం దుకిలా అని అడిగిగే ‘నాకు ఇతర భాషలు నేర్చుకోవడం అంటే చాలా ఇష్టం. ఆ ఇష్టంతోనే మా అమ్మ ప్రోత్సాహంతో ఫ్రెంచ్ నేర్చుకున్నాను.అక్కడ నేర్చుకున్న వారిలో అందరి కన్నా చిన్నదాన్ని నేనే. బాగా నేర్చుకుంది కూడా నేనే. ఫ్రెంచ్లో మూడవ స్టేజికు ఎవరూ వెళ్ళలేదు నేను తప్ప. ఓవైపు నేను నేర్చుకుంటూనే మిగిలిన వారికి నేర్పుతున్నాను. అక్కడ నేర్చుకునేవాళ్లు కూడా నాకన్నా పెద్దవారే. కానీ నా గొంతు కాస్త గంభీరంగా వుండటం నాకు కలిసొచ్చింది.
ఇతర భాషలను కూడా నేర్చుకోవాలని వుంది. ఇందుకు మా ఇంట్లో వాళ్లు కూడా నన్ను ఎంతో ప్రోత్సహిస్తున్నారు. నాకు ఇష్టమైన మార్గంలో వెళ్తాను’ అని భావన అంటోంది.18 ఏళ్ళ మధు మాట్లాడుతూ ‘అన్నీ మాకే తెలుసు అని మేము అనడం లేదు. కానీ ఏమీ తెలియదు అంటే మాత్రం ఒప్పుకోం. మా న్నా సీనియర్స్ మా దగ్గరికి వచ్చి సందేహాలను తీర్చుకుంటున్నారు. నెట్వర్క్కి సంబంధించి చా లా వరకు అప్డేట్లో మేము వుంటున్నాం. మా అక్కకు కూడా దీనికి సంబం ధించి నేను హెల్ప్ చేస్తుంటాను’ అంటోంది.
సమస్యలపై అవగాహన..
అనుభవ లేమి కారణంగా చిన్నతనంలోనే ఉద్యోగాలు వంటి వాటిల్లో అనేక సమస్యలు ఎదుర్కొంటారని పెద్ద లు భయపడుతుంటారు. కానీ అటువంటి సమస్య ఏ మీ తమకు లేదని చెబుతున్నారు నేటి అమ్మాయిలు. ‘జీవితంలో ఎదురయ్యే సమస్యలను మేము తెలుసు కోగలం. ఒక్కోసారి ఎంతో అనుభవం వున్నవారు కూ డా సమస్యలు వస్తే దిగాలు పడిపోతారు. కానీ మేము అలా కాదు. వారికన్నా ఎక్కువగా ఎంతో ఆలోచించి స మస్యలను ఎదుర్కొంటాం. తగిన విధంగా స్పందిస్తాం అని’ అని ఇంజనీరింగ్ స్టూడెంట్ ప్రియ చెబుతోంది. ఆమె రేడియో జాకీగా పనిచేస్తోంది. ‘మాకు అన్నీ తెలు సు అని పెద్దవాళ్లు ఒప్పుకోకపోయినా పర్వాలేదు. కా నీ ఆలోచనలను మాత్రం అడ్డుకోకూడదు. మంచిగా చేసేవాటిని ఒప్పుకోవాలి. కెరియర్కి సంబంధించి నంత వరకు మాకంటూ ప్రాధాన్యత ఇవ్వాలి’ అంటోంది.
తొందరపాటు నిర్ణయాలు..
కొందరు విజయాలు ఇలా వుంటే మరి కొందరు పూర్తిగా వ్యతిరేకంగా వ్యవ హరిస్తున్నారు. ఇలా వ్యవహరించే వారు ఒకరు, ఇద్దరు అయినా వీరి ప్రభా వం మోత్తం అమ్మాయిల మీద పడుతుంది.తొందరపాటు నిర్ణయాలు తీసు కోవడం, ప్రేమ పేరుతో మోసపోవడం, ఆత్మహత్యలకు పాల్పడటం వంటివి కుటుంబాల్లో భయాందోళనలు రేకెత్తిస్తున్నాయి. ‘మేము ఏదైనా చేయాలి అనుకుంటే ఏదైనా చేయగలం. అందర్నీ ఆశ్చర్యంలో ముంచెత్తగలం. దీనితో పాటే పెద్దవారికి గౌర వం కూడా ఇస్తాం.కానీ కొందరి మూల ంగా మిగిలిన అందరు అమ్మాయి లను అను మానిం చడం తల్లిదం డ్రులకు తగదు’ అని బిపిఓ సెం టర్లో పని చేస్తున్న తేజశ్విని చెబు తోంది.ప్రోత్సాహం కల్పిస్తే అన్నిటా విజయాలు సా దించి నిరూపించు కుంటాం అని అంటోంది.
నిపుణుల మాట...
తరాల వారీగా తెలివి తేటల్లో, టెక్నాలజీని వినియోగించుకోవ డంలో వ్యత్యాసాలు చాలా ఎక్కువగావు న్నాయి. పిల్లల తెలివి తేటలు అమోఘం. వారికి సరైన దిశాని ర్దేశం చేస్తే చాలు. అన్నిరంగాలలోనూ ముందుకు దూసుకెళ్తారు. తల్లి దండ్రులు చేయాల్సిందల్లా వారికి సరైన గైడెన్స్ కల్పించడం. వారి మార్గాన్ని ఎప్పటికప్పుడు గమనిస్తూ వుండాలి. పిల్లల ఎదుట నచ్చినట్లు ప్రవర్తించకుం డా హుందాగా వ్యవహరించాలి.వారికి రోల్మోడల్గా వుండాలి. ఏదైనా కొత్త మార్గంలో వెళ్ళాలనుకున్నప్పుడు ప్రోత్సహించాలి అని మానసిక నిపుణులు చెబుతున్నారు.
-హైమ సింగతల
surya telugu daily, March 7, 2011
No comments:
Post a Comment