Search This Blog

Saturday 2 August 2014

బాధల్లో మెరిసిన భాగ్యం..

జీవితాంతం కష్టనష్టాల్లో తోడుగా వుంటానంటూ ప్రమాణం చేసిన భర్త మరొకరిని పెళ్లిచేసుకున్నాడు.కట్టుబట్టలతో, చేతిలో కొడుకుతో ఒంటరి ప్రయాణం... దొరికిన పని చేసుకుని పొట్టగడుపుకుంటున్న తరుణంలో తల్లిమరణం. ముగ్గురు చెల్లెల్లు, తమ్ముడి బాధ్యత.. కొంత కాలానికే తండ్రి మరణం.... ఇది ఏదో సినిమా కథ కాదు.. ఓ పల్లెటూరి అమ్మాయి జీవితంలో ఎదుర్కొన్న కష్టాలు.. బాధల్లోనుండి మెరిసిన ఓ ‘భాగ్యం’ కథ.

bhagyamకందుకూరు మండ లం దెబ్బగూడకు చెందిన ఓ పేదరై తుకు పుట్టిన ఐ దుగురి సంతా నంలో పెద్ద కూ తురిగా పుట్టింది భాగ్యమ్మ. 24 ఏళ్ల క్రితం ఓ వ్య క్తికిచ్చి వివాహం చేయగా ఆ వివాహం కొంత కాలానికే చెదిరిపోయింది. ఎంత చెప్తున్నా వినకుండా భాగ్యం భర్త మరో పెళ్లి చేసుకున్నాడు. దీంతో ఆమె తన కొడుకును తీసుకుని బయటకు వచ్చేసింది. కూలీ నాలీ చేసుకుంటూ తన కొడుకును పోషించుకునేందుకు ప్రయత్నించింది. కడుపు నింపుకోవడానికి ఎన్నో కష్టాలు పడింది. తన తల్లి మరణంతో మరింత కుంగి పోయింది. 

కుటుంబానికి తోడుగా...
కుటుంబానికి తోడుగా వుండేందుకు పుట్టింటికి చేరింది. వున్న ఆరు ఎకరాల భూమిలో సాగు చేయ డంలో తండ్రికి సాయంగా నిలిచింది. ఆధునిక పద్ధతులను అవలంబించి లాభాలు గడించడం ప్రా రంభించింది.ఇందుకు ఆమె ఆకుకూరల సాగును ఎన్నుకుంది. ఆధునిక పద్ధతులైన డ్రిప్‌ ఇరిగేషన్‌, స్పింక్లర్ల ద్వారా వ్యవసాయాన్ని చేయడంలో ఎంత లాభం వుందో తెలుసుకుంది. 

తండ్రి మరణం...
కుటుంబాన్ని ఓ దారిలోకి తెచ్చే సమయంలో మరో ఎదురు దెబ్బ. తండ్రి మరణం. దీంతో భారం మొత్తం భాగ్యం మీదే పడింది. ముగ్గురు చెల్లెల్లు. ఒక తమ్ముడు. అందరి బాధ్యతా ఆమెపైనే. ఆ కష్టాన్ని దిగమింగి తిరిగి తన బాధ్యతలను నిర్వర్తించడంలో నిమగ్నమైపోయింది.

తనకు తెలిసింది ఒక్కటే...
polamవ్యవసాయం తప్ప చిన్న తనం నుండి భాగ్యంకు మరో విషయం తెలియదు. ఆమెకు అదే వ్యాపకం.వృత్తి.అన్నీ అందులోనే ప్రయోగా లు మొదలుపెట్టింది.విజయం సాధించిం ది. తక్కువ మొత్తంలో ఎక్కువ లాభాలు గడిం చేందుకు కావలసిన ఆధునిక పద్ధతులను ప్రవేశపె ట్టింది. అలాగే పంట మార్పిడి విధానాన్ని అవలంబించింది. 

కుటుంబాన్ని ముందుకు నడిపింది...
భాగ్యం తన ఇద్దరు చెల్లెళ్లకు పెళ్లి చేసింది. తమ్ముణ్ని చదివిస్తోంది. తనకు తోడుగా వుండేందుకు కొడుకుకు వ్యవసాయంలో శిక్షణ ఇస్తోంది. ఇప్పుడు ఆమె కొడుకే ఆమెకు తోడు. తన కుటుంబాన్ని ముందుకు నడిపించడమే తన లక్ష్యం. వ్యవసాయమే ఆమె నేస్తం. బాధలనే భాగ్యంగా మలచుకున్న భాగ్యం ఓ స్ఫూర్తిప్రదాత.
-హైమ సింగతల
surya telugu daily January 5, 2011

No comments:

Post a Comment