బిల్లు తెలివి

అనగనగా ఒక అడవిలో మూడు చిన్న పందులు వుండేవి. వాటిపేర్లు రాబీ, హనీ, బిల్లు.. అక్కడ మందలో కలిసి పోయి హాయిగా వుండేవి. కానీ ఒక రోజు అవి వుంటున్న ఫా రం నుండి బయటికి రావాలని నిర్ణయించుకున్నాయి. హాయి గా ఇళ్లు కట్టుకుని ఎంచక్కా గడపాలని వాటికి ఆశ. అలాగే సాహసాలు కూడా చేయాలని వాటికి ఎంతో ఇష్టం. మూడు మంద నుండి విడిపోయి దేని దారిన అవి బయల్దేరాయి. రాబీ తన దారిన తాను వెళ్తూంటే దానికి ఒక మనిషి కన్పిం చాడు. అతని దగ్గరికి వెళ్లి ఇళ్లు కట్టుకోవడానికి ఏమైనా వుంటే ఇవ్వండి అని అడిగింది. అతను దానికి పెద్ద పెద్ద అట్ట ముక్క లను ఇచ్చాడు. చిన్నారి రాబీ వాటిని తీసుకుని వెళ్లి అందమైన ఇల్లు కట్టుకుంది. దాని ఇంటికి దగ్గరలోనే ఒక చెడ్డ నక్క నివసి స్తోంది. నక్క ఒకసారి అటువైపుగా వచ్చినప్పుడు రాబిని చూ సింది. ఎలాగైనా సరే రాబీని తినాలని పథకం వేసింది. దాని ఇంటి దగ్గరికి వచ్చి ‘రాబీ.. నేను మీ ఇంటిని చూస్తాను. నన్ను లోపలికి రానివ్వు’ అని అడిగింది. అప్పుడు రాబీ భయపడి.. ‘నా ఇల్లు చాలా చిన్న ది. నిన్ను లోపలికి రానివ్వలేను. ఇక్కడి నుండి వెళ్లిపో’ అంది. అప్పుడు నక్కకు చాలా కోపం వచ్చింది.

‘సరే అయితే నేను నీ ఇంటిని పడగొట్టేస్తాను చూడు’ అంటూ..
నోటితో గట్టిగా గాలిని వూదడం ప్రారంభించింది. అలా కొద్ది సేపటికే రాబీ ఇళ్లు పడిపోయింది. నక్క లోపలికి వెళ్లి రాబీని తినేసింది.
హనీ కూడా రాబీ వెళ్లిన వైపుగా నడుచుకుంటూ వచ్చింది. ఆ దారిలో దానికి ఒక మనిషి కర్రలను తీసుకెళ్తూ కనిపించాడు. హనీ అతని దగ్గరికి వెళ్ళి తనకు ఇల్లు కట్టుకోవడానికి ఏమైనా సాయం చేయగలరా? అని అడిగింది.
అందుకు అతను ‘దానిదేముంది. నీకు కావలసినన్ని కర్రలు తీ సుకో’ అని ఒక పెద్ద కర్రల మోపును ఇచ్చాడు. వెంటనే హనీ ఏ మాత్రం ఆలస్యం చేయకుండా వాటిని తీసుకెళ్లి ఇళ్ల్లు కట్టేసుకుంది.
తరువాతి రోజు సాయంత్రం చెడ్డ నక్క మళ్లీ వచ్చింది.

‘ఆహా..! ఇక్కడికి హనీ కూడా వచ్చేసిందన్న మాట. దీన్ని కూడా ఎలాగైనా తినేయాలి’ అని పథకం వేసింది. ఇది వరకటిలాగానే ఇంటి ముందుకు వెళ్ళి హనీని బయటికి రమ్మని పిలిచింది. హనీ రాలేదు. ‘నా ఇల్లు చాలా చిన్నది నువ్వు వస్తే పడిపో తుంది. ప్లీజ్‌ వెళ్లిపో అని అంది’ వెంటనే నక్క గట్టిగా అరిచింది. ‘సరే అయితే నీ ఇంటిని ఏం చేస్తానో చూడు’ అంటూ గట్టిగా నోటితో వూదడం ప్రారంభించింది. కొంత సేపటికి ఇళ్లు పడిపోయింది. హనీని కూడా నక్క తినేసింది. ఇక మిగిలింది బిల్లు. అది వెళ్తున్న దారిలో ఒక మనిషి కనిపించాడు. అతని దగ్గర కొన్ని ఇటు కలు వున్నాయి. అతని దగ్గరికి వెళ్లి ‘సర్‌ నాకు కొన్ని ఇటుకలు ఇవ్వండి. నేను ఇల్లు కట్టుకుం టాను’ అని అడిగింది. అందుకు అతను ఒప్పు కున్నాడు. ఇటుకలు ఇచ్చాడు. వాటితో బిల్లు వెంటనే ఇల్లు కట్టేసుకుంది. దానికి సిమెంటు కూడా వేసింది.

ఆ చెడ్డ నక్క బిల్లు ఇంటిని కూడా చూసేసింది. బిల్లు ఇంటి ముందుకు వెళ్ళి ‘నన్ను మీ ఇంట్లోకి రానివ్వు ఒక సారి చూస్తా ను. చాలా అందంగా వుంది మీ ఇళ్లు’ అని అడిగింది. అందుకు బిల్లు ‘నా ఇల్లు చాలా చిన్నది నువ్వు ఇందులో పట్టవు. ముందు వెళ్లిపో’ అంది.

నక్కకు కోపం వచ్చి ‘నేను నీ ఇల్లు పడగొట్టి నిన్ను చంపి తిం టాను చూడు’ అని వూదడం ప్రారంభించింది. ఎంత సేపు అలా చేసినా కూడా ఫలితం లేదు. బిల్లు ఇంటికి ఏం కాలేదు. ఇటు కలతో కట్టడం వల్ల అది గట్టిగా వుంది. విసుగొచ్చిన నక్క ఏం చేయాలో తెలియక వెళ్లిపోయింది. ఒక మంచి ప్లాన్‌ వేసుకుని బిల్లు ఇంటి దగ్గరికి వెళ్లింది. కిటికీ దగ్గర నించోని ‘ఇక్కడికి దగ్గరలో ఒక పొలం వుంది. అక్కడ ఎంతో మంచి రుచిగల దుంపలు దొరుకుతాయి. నువ్వు వస్తానంటే రేపు ఉదయం 6 గంటలకు వెళ్లి తెచ్చుకుందాం’ అంది. బిల్లుకు దుంపలు అంటే ఎంతో ఇష్టం. ఎలాగైనా వాటిని రుచి చూడా లని అనుకుంది. వెంటనే నక్క చెప్పిన సమయం కంటే ముం దుగానే లేచింది. ఆరు గంటలు అంటే ఐదు గంటలకే వెళ్ళి దుంపలన్నీ తెచ్చుకుని ఇంట్లోకి వెళ్ళి గడియ పెట్టుకుంది.

నక్క వచ్చి వెళ్దామా అని అడిగితే ‘నేను తెచ్చేసుకున్నాను. మీరు వెళ్లి తెచ్చుకోండి’ అని ఇంట్లో నుండే సమాధానం చెప్పింది.

నక్కకు చాలా కోపం వచ్చింది. ఎలాగైనా బిల్లును తినాలనే ఆశ తో మరుసటి రోజు మళ్లీ బిల్లు ఇంటి ముందు నుంచోని ‘రేపు ఐదు గంటలకు యాపిల్‌ తోటకు వెళ్దాం. పండ్లు చాలా రుచిగా వుంటాయి’ అని అరిచి వెళ్లిపోయింది.

బిల్లు మూడు గంటలకే లేచి బయల్దేరి వెళ్లింది. యాపిల్‌ చెట్టు ఎక్కి పండ్లు కోయడం ప్రారంభించింది. నక్క ముందుగానే అక్కడికి చేరి బిల్లు కోసం ఎదురు చూస్తోంది. చెట్టు కింద నుంచోని ఇక తెంచింది చాలు కిందికి రా ఇంటికి వెళ్దాం అంది. వెంటనే బిల్లు కొన్ని యాపిల్స్‌ తీసుకుని నక్క మీద వేయడం మొదలు పెట్టింది. నక్క దెబ్బ తగిలి బాధ పడుతుంటే అదను చూసుకుని పరిగెత్తింది. ఒక్క ఉదుటున ఇంటికి వెళ్లి గడియ పెట్టేసుకుంది. నక్క కూడా దాన్ని వెంబ డించుకుంటూ వెళ్లింది. ఇక ఎలాగైనా బిల్లును తినేయాలనే ఆశతో ఇంటిమీదికెక్కి అక్కడ వున్న పొగ గొట్టం ద్వారా ఇం ట్లోకి దూకింది. అప్పటికే బిల్లు ఆ గొట్టం కింది భాగంలో పెద్ద గిన్నెలో వేడినీళ్లు మరగబెట్టింది. నక్క అందులో పడగానే వెం టనే మూత పెట్టేసింది. నక్క పీడ వదిలిపోయింది. బిల్లు ఆ ఇం ట్లో హాయిగా గడిపేసింది.

-ధరణి(హైమ సింగతల)

Surya telugu daily March 20, 2011